Dermatín inniheldur ketókónazól sem er sveppalyf og er notað við flösu og öðrum sveppasýkingum sem valda kláða og flögnun. Verið getur að læknir hafi ávísað lyfinu við öðrum sjúkdómi eða í öðrum skömmtum en tiltekið er í þessum fylgiseðli. Ávallt skal fylgja fyrirmælum læknisins og leiðbeiningum á merkimiða frá lyfjabúð. Dermatín 20 mg/g hársápa er til notkunar fyrir unglinga og fullorðna.

Sýkt húðsvæði eða hársvörður er þveginn með hársápunni og hún látin liggja á húðinni í 3-5 mín. áður en skolað er. Litbrigðamygla (tinea versicolor): Hársápan notist mest í 5 daga í senn. Flasa og aðrar sveppasýkingar í hársverði (dermatitis seborrhoeica og pityriasis capitis): Hársápan notist tvisvar sinnum í viku í 2-4 vikur og síðan eftir þörfum

Sjá nánari upplýsingar um lyfið á sérlyfjaskrá

Virka innihaldsefnið er: Ketókónazól.

Önnur innihaldsefni eru: Imidurea, ponceau, natríum laurýletersúlfat, dínatríum lauríð súlfósúkkínat, kókoshnetufitusýrudíetanólamín, PEG-7-glýserýl kókóat, laurdímóníum hýdrólýserað kollagen, fenoxýetanól, kalíumsorbat, makrógól 120 metýlglúkósudíóleat, natríumhýdroxíð, natríumklóríð, saltsýra, hreinsað vatn.